Magandang Hapon po sa inyong lahat! Guten Tag at maraming salamat po sa inyong pag-dalo dito sa ating First National Meeting of Filipino German Associations.  Gusto ko rin pong ipa-abot ang pag-bati ng Pangulong Arroyo sa lahat sa inyo sa pag-diriwang ng Migrant Workers’ Day sa June 7.

Gusto ko rin pong pasalamatan ang Chairman ng Commission on Filipinos Overseas (CFO), the honorable Dante A. Ang, for being with us this afternoon and for providing us all the assistance in staging this meeting.

Mga Kababayan,

Sa mahigit na dalawang taon kong pag-tigil dito sa Germany, nakita ko ang kagalingan ng bawat organisasyon sa pagtataguyod ng kanilang mga proyekto sa Pilipinas o dito man sa Germany.  Malaki ang naitutulong ninyo sa ating mga kababayan sa Pilipinas.  Kami po sa Embassy ay nagagalak sa inyong masigasig na aksyon para sa ating bayan.

Sa aking pagdalo o pagbisita sa inyong mga programa, ang aking primary objective ay mapalapit ang Embassy sa bawat Filipino dito sa Germany.  Napakalaki po ng bansang ito at ang mga Filipino ay makikita sa bawat lupalop ng Alemanya.  We would like to bring the Embassy closer to each and every Filipino and Filipino-German in this country.

Kaya nga po naisip naming ganapin ang meeting na ito upang kahit ilang oras man lang, tayong mga Filipino ay magkatipon-tipon at mag-kaalaman ng ating mga concerns at mag-paabot ng mga inpormasyon sa inyong lahat.  It po bale ang pinaka-una nating meeting ng lahat ng organisasyon sa buong Germany.  We had meetings before like in October 2003 when a DSWD group came to Frankfurt at saka nuong May 2004 sa Bonn naman, but both these meetings are not as widely-attended as today’s meeting.

May kinalat po tayong agenda para sa hapong ito.  We all look forward to your active participation in the meeting.

Maraming salamat po uli sa inyong pag-dalo.